Davao City- Mga kasama, masukod ba nato ang loyalty, pagkamatinud-anon ingon man brotherhood pinaagi sa pagbunal-bunal or kulata samtang gipahigayon ang mga sekretong initiation rites sa mga fraternities ug sororities?
Natawo man gud kini nga kwestyon subli gumikan sa kamatayon ni UST law student Horacio ‘Atio’ Castillo III sa kamot sa iyang mga masters ug mga frat elders didto sa kaulohan.
Gawas kang Atio, wala na kahay lain pang mga batan-on kinsa napagan sa mga makamatay nga brand kun klase sa panag-igsoonay kun ‘brotherhood’ denhe sa ato sa Mindanao or asa bang dapita or lugara sa nasud?
Alang nako, husto karon nga panahon aron subling iduso ang panawagan nga hingpit na gayud nga did-an kining practice nga pagdagmal kun pagpasakit silbing pamaagi aron mamahimong miyembro ang usaka tawo diha sa usaka organisasyon.
Tama karon nga panahon aron pandayon ang tukmang regulasyon, balaud or ordinansa ba kaha aron hingpit nga did-an kun ibawal ang presensya sa mga fraternities or sororities sanglit anaa na man gud sa taas nga panahon kini nga tradisyon nga hazing hinungdan nga gisubay gihapon kini nila sa sistemang regulated sanglit kabahin na man kini sa tradisyon kun kultura sa usaka Greek-lettered fraternity or sorority.
Dili nato tugtang mahagbong na lamang nga kawang ang kamatayon ni Horacio Castillo, Lenny Villa, Guillo Servando ug daghan pang uban kinsa nadisgrasya atol sa mga initiation rites.
There must be a better way of building camaraderie and brotherhood, a system whereby one’s fitness to be a member is measured by one’s positive display of commitment – rather than merely enduring physical pain, which, if not managed correctly might drive one to the hospital, to the morgue in a very useless kind of death that no one deserves.
RadyoMan June Duterte
