Davao City – Dakung hagit ngadto sa atong nasudnong kapulisan kun man ugaling mahinayon na nga ibalik ngadto kanila ang war on drugs nga ipakita nga sahi kini nga matang sa kampanya itandi kaniadto.
Usa ka dakung hagit mao ang pagkumbinse sa tawo nga dili nila tinguha ang pagpusil-patay sa tanang mga drug personalities, nga kaantigo sila sa pagtahod sa tawhanong katungod sa mga suspetsado or bisan kadtong masakpan sa krimen in flagrante delicto.
Ning higayona, angay paningkamotan ug taman sa mga frontline police operatives nga gitahasan sa pagpatuman sa anti-drug campaign nga walay extra-judicial killings, nga kun man ugaling adunay motikangkang, kana gumikan kay ang mga subjects nanukol or nakigpinusilay sa mga awtoridad ug nga dili nila buot nga magpadakop nga buhi.
Entonces, may igong justification ang mga tinugyanan sa balaud sa paggamit sa rasonableng pwersa tugbang sa resistance nga buhaton sa mga dautang tawong nahilambigit sa iligal nga droga.
Apan dakung hagit usab ngadto sa liderato sa PNP nga ilang ipakita nga sa mga higayon diin klarex kaayo ang kalapasang mahimo sa mga rogue cops kun mga police scalawags, nga kaantigo silang motomar ug aksyon ngadto sa mga salawayong police personnel.
Mas maayong ila kanang sugdan diha sa kontrobersyal kaayo karong Tondo Manila drug raid diin matud pa sa mga kritiko, tulo ka mga tawo nahimong biktima sa EJK sa aktibidad nga gitino sa mga operating units nga usaka balido ug lehitimong police operations versus drug suspects.
RadyoMaN June Duterte
