Davao City – ‘Justice for 38’!
Kini maoy nag-unang singgit karon niadtong mga tagtungod sa 38 ka mga arang kabatan-on pa intawon nga nakabsan sa kinabuhi sa pinaka-worst nga fire incident sa kasaysayan sa dakbayan sa Davao kon dili man gani sa tibuok rehiyon o bisan na gani sa entero kapupud-an.
It is only just and fair that after more than two months of waiting agonizingly, that somehow justice must be served in that very painful collective incident.
Husto lamang nga dili gayud nato lung-an ang pagpangita ug pagpundar sa hustisya alang niadtong nadisgrasya sa kalayo nga maoy nitapos usab sa lunhaw pa kaayong pangandoy sa kaugmaon sa 38 ka mga batan-on sama ni Shiela Bacaling.
Angay manubag ang NCCC Mall gumikan sa klarong kasaypanan diha sa aspetong fire safety. Ako nagtoo nga walay si bisan kinsang nangandoy nga mahitabo ang maong mapait uig masakit nga trahedya but along the way, they must be held accountable if it would be established that they have contributed in the crime by their criminal negligence.
Adunay tulubagon ang SSI sa kapakyas niini sa pagseguro nga luwas ang iyang establisimiento nga gitrabahoan sa iyang mga personahe.
Ug aduna usay tulubagon ang taga-Bureau of Fire Protection sa tino nga kapakyas sa pagseguro nga ang tanang mga edipisyo-komersyal ug bisan na gani ang mga pribado natong mga gambalay ug pinuy-anan luwas sa posibleng nagdilaab nga kalayong makamatay.
Kun gikinahanglan sa panahon, atong gipangandoy nga aduna gayuy taralon ug aduna gayuy ibalhug sa bilanggoan aron lamang sa pagpahidangat sa mensahe nga ang tagsala angay manubag sa silot nga sibo sa ilang kalapasan sa atong pamalaud.
Apan dili kita mohunong diha sa pagpahid ug basol ngadto sa atong isig-kaingon: Kita sa atong kaugalingon angay usab mangutana kun mahitabo karon ang dili kalikayang sunog sa atong gibarugan ug nahimutangan, luwas ba kita ug ang atong tagsa-tagsa ka mga pamilya gikan sa disgrasya?
RadyoMaN June Duterte
