Davao City – Unsa pa ba ang kulang nga angay natong buhaton kun ihikutar aron mamahimong hingpit ang atong pagdepensa sa atong kaugalingon panahon sa mga natural calamities sama pananglit sa pag-apaw sa tubig-baha ug pagka-dislokar sa mga katawhan?
Gamit ang atong taas-taas nga kasinatian sa mga kalamidad, aduna koy pipila ka mga yanong suhestiyon ngadto sa atong mga hingtungdan:
Una, husto kadtong sugyot nga kun dili pa man kini usaka balaud, himoon na natong regulasyon ang ‘preemptive evacuation’ silbing pro-active measure, dili kay diha pa ‘ta magkara-kara kun tag li-og ug kutob-atup na ang tubig-baha.
Panahon na nga atong pugson ug silotan kadtong mga tawong gahi’g ulo dili kasabot nga alang man lamang unta sa ilang kaluwasan ang pagbiya sa mga delikado ug peligrosong lugar.
Ikaduha, mas pahugtan pa nato ang atong ‘No Build Zone’ regulations haron kadtong mga na-identipika na nga ‘danger zones’ dili na unta papuy-an pa ug tawo. Malisud kini nga opsyon, apan alang nako panahon na nga atong hakoton tanang anaa sa kadaplinan sa suba ug kabaybayunan or mga kabukiran nga sagad bulnerable sa pagdahili sa yuta.
I would suggest that the Duterte administration will make this an urgent priority for the remainder of his term so that there will be sufficient budget for massive relocation and full normalization of the lives of citizens who will likely be affected by these tragedies.
Ikatulo, panahon na nga reviewhon nato ang atong Zoning Ordinances aron suta-on asang mga dapita ang wala mabutang sa hustong klasipikasyon ug aron madid-an na pananglit ang katukoran sa mga gambalay ug istruktura sa mga malisud nga lokasyon sama sa mga low-cost housing subdivisions nahimutang sa mga danger areas.
Ug sa katapusan, mugnaon na nato ang usa ka Department of Emergencies and Disaster Management ug dili lamang kay usaka national coordinating agency sama karon aron aduna gayuy usaka ispesipikong ahensiya-nasyunal kansang tutok ug mandato mao lamang ang pagluwas sa mga lungsuranon gikan sa tino nga perdisyon.
RadyoMaN June Duterte
