Davao City – Nasabtan nako ang gipanukaran sa mga balaudnon nagsugyot nga himoong legal ang diborsyo ug dissolution of marriage denhe sa nasud-Pilipinas gawas sa presenteng sistema sa annulment.
Dili gayud tuod nato malilong sa publiko, kitang tanan buhing saksi sa realidad sa mga hagit nga gisagubang karon sa pamilyang Pilipino.
Dili masayon o komedya ang mga hulga ug hadla sa tagsa-tagsa nato ka mga banay, sama sa dautang impluwensiya sa atong katilingban karon, sa pagsi-aw sa krimen ug dautang buhat, sa droga ug bisyo, sa teknolohiyang makaayo unta apan at the same time usab makaguba ug pamuyo ug sa mga suliran sulod ug gawas sa kaminyoon.
Ang pangutana: Solusyon ba ang absolute divorce ug annulment of marriage sa tanang mga ‘challenged relationships’ sa atong sosyedad karon?
Inay nga pandayon ang usaka aksyon kontra relasyon, nganong dili nato i-shift ang focus or emphasis sa atong pamalaud dinha sa pagpalig-on sa pamilya?
Nganong denhe man kita motutok sa kun unsaon pag-ikyas kun pagbiya sa bana or asawa sa salag sa kaminyoon? Nganong dili nato palig-onon ang mga pamaagi antes ang usaka tawo mo-entra sa usaka seryosong relasyon?
Gawas sa mga kaso diin grabe na ang pagpangdagmal ug pagpang-abusar ngadto sa isig ka-partner sa kaminyoon, haiy mas maayo kun palisud-lisoron nato ang mga rekwisitos sa kaminyoon haron kadto lamang gayud hitsas ug andam physically, mentally, psychologically, emotionally and spiritually ang tugtang magminyo aron usab atong mapugngan kadtong gihimo lamang convenient scapegpoat ang kasal kay lagi ang babaye nagsabak na bisan kun arang kabatan-on pa?
Alang nako, walay perpektong relasyon kun ‘conflict-free relationship.’ Apan dili nato tugtan nga kini nga matang sa kahuyangon maoy mag-define kun magtudlo kun asa nato dal-on ang usaka kaminyoon nga gihulga sa away-magtiayon.
Instead of passing bills that will water down the institution of marriage, nganong dili man tun-an sa atong mga kongresista ug senador ug uban pang mga policymakers ang pagpalig-on, pagsalbar ug pagpakusog sa managtiayon?
Dili nato sagopon ang panghuna-huna sa mga desperado nga como adunay bitin sa usaka lasang, nga dabdaban ug sunogon na lamang nato ang entero kalasangan. Let us save a marriage on the rocks, salbaron nato sila sanglit ang epekto sa usaka guba nga pamilya didto man unya mosangko sa nadiskaril nga ugma sa mga maapektuhang bata ug mga anak.
RadyoMaN June Duterte
