Davao City – Ang senaryong kakulangon sa NFA rice stocks ug supply indikasyon lamang kini sa sitwasyon karon sa inventory sa atong bugas-humay kun nag-unang cereals sa atong tagsa-tagsa ka mga talad kan-anan.
Una sa nga tanan, nagpakita lamang kini nga diay bulnerable kaayo kita sa external factors sama sa atong kakulangon diha sa natad sa produksyon.
Gumikan sa atong dependence kun pagsalig lamang diha sa commercialized rice varieties ug sa inangkat kun imported rice stocks gikan sa silingang mga kanasuran, aduna gayuy posibilidad nga kita kulangon sama sa na-eksperyensyahan karon sa pipila ka mga kasyudaran.
Usab naghagit kini sa atong mga planners ug decision-makers sa gobyerno nga seryosohon na gayud ang atong gidamgo nga kakayahan kun katakos nga mo-produce sa atong daily cereal needs haron mahidangat ang panahon diin mahaw-as na kita posiblemente gikan sa pagkahigot diha sa rice importation.
Hagit usab kanato nga atong bawi-on pag-usab ang atong dungog ug rekognisyon kaniadto nga kita kadtong gihangad sa kalibutan when it comes to rice production and self-sufficiency haron masakmit nato pag-usab ang pagtahud sa kalibutan sa atong talagsaong katakos.
Atong banhawon ang mga maanindot nga programang pang-agrikultura kaniadto sama sa Masagana 99, Green Revolution, ang pagpalig-on sa International Rice Research Institute kun IRRI ug uban pang mga inisyatiba sa Marcos regime.
Dili nato gamiton, ‘bay nga rason kun alibi ang kalamidad nga molampornas kanato sa matag tuig sama sa average nga 18 to 20 typhoons kun bagyo nga mokunsad sa Pilipinas sa matag tuig.
Sundogon nato ang ‘best practices’ sa mga nasud sama sa Vietnam ug Thailand diin gihimo nilang top priority ang agrikultura uban sa pag-develop sa ilang syensya ug teknolohiya sama sa pagmugna ug mga ‘highly-resistant rice varieties’ nga kaya kaayong mamunga bisan kun mahumod diha sa tubig-baha.
This is a great challenge for all of us Filipinos: It’s now – or never.
RadyoMaN June Duterte
