Davao City- Ako nagtoo nga panahon na karon aron ang mga gitawag nga social media bloggers, digital influencers, media strategists, publicists, public relations in-charge or propagandists ipailawom sa usa ka regulasyon aron adunay pagrenda panahon sa ilang pagpasulabi.
Yes katungod nato ang pagpadayag, katungod sa katawhan nga masayud sa tanang katikaran kun ‘the public’s right to know’ apan ang susamang katungod dili absolute sanglit posibleng maligsan man unya ang mga privacy rights sa mga tawong maigo sa ilang paturagas nga mga pronouncements or blog entries.
Sama sa pagpailawom namo nga mainstream media sa usaka kodigo kun talamdan alang sa husto, moral ug maki-angayong pag-broadcast kun pagsibya, sila usab nga mga gigamit sa mga vested interest groups political or otherwise diha sa social media angay usab nga dili exempted.
Bisan ang paggamit sa opinyon dili lisensya sa pagdaut sa bansagon sa usaka tawo sanglit may mga katungod man usab siya alang sa maayong imahe sa katilingban nga dili mamahimong basta-basta na lamang nato nga ipadaplin o hikalimtan.
It has been said that with great power comes great responsibility: Buot ipasabot nga gumikan sa talagsaong oportunidad nga magbitbit sa inpormasyon ngadto sa publico, angay nga ang mensahero responsable ug andam modawat sa pagpuna sa iyang mga kakulangon, kun aduna man.
Hinundoman usab nato sa tanang panahon nga dili tanang luwatan sa media kamatuoran – afuera de los buenos.
Aduna gayuy masagol nga mga bugok ug ‘lata nga kamatis’ diin nagtakuban lamang kunohay nga taga-media apan diay to usaka ‘dakilang propagandista,’ bayarang tigpamaba sa usaka personalidad or bin ba kaha gigamhan lamang sa usaka personal nga adbokasiya or progapanda kesehodang maligsan ang mga hiyas kun karakter sa patas nga pagtratar nga mao ang fairness, objectivity ug labaw na ang rekwisito sa accuracy.
RadyoMan June Duterte
