Davao City- Nabahin karon ang sentimyento sa nasud sa posibilidad nga malagmit ma-imposar ang nationwide martial law – kun mahitabo ang kasamok, anarkiya or kaguliyang ilabi na karong September 21, ang ika-45 anyos nga kasumaran sa Martial Law declaration ni former Pres. Ferdinand Marcos in order to quell what then was a creeping Maoist communist insurgency during the 70s.
Akong nasabtan ang kabalaka sa katawhan sa bisan diyutay’ng hisgot sa balaud-militar sanglit pait ang atong nasinatiang nasudnong eksperyensya ug pagtulun-an ilawom sa usa ka panggobyernong gigamhan sa usa ka authoritarian rule or strongman rule.
Apan angay natong hingpit nga masabtan nga nahipatik mismo dinha sa batakang balaud sa atong nasud ang sagradong katungod sa mahukmanong katawhan nga managtapok-tapok nga malinawon sa tumong ug tinguha nga ipadayag ang ilang mulo ug yangungo ngadto kun kontra sa gobyerno.
Ang Article III sa atong 1987 Philippine Constitution gititulohan nga ‘Bill of Rights’ partikular ang Section 4 nagtagana sa mosunod: “No law shall be passed abridging the freedom of speech, of expression, or of the press, or the right of the people peaceably to assemble and petition the government for redress of grievances.
Wala ‘tay debati dinhang dapita: Ang apan anaa sa porma kun matang sa protesta nga ilusad sa katawhan ilabi na kun molapas na unya ang ilang mga aktibidad sa mga reglamentos sa malinawong pagpadayag sa ilang gibati ug gimbut-an ug nga dili mapasipad-an ang katungod sa uban ilabi na niadtong wala maka-uyon or dili mo-uban sa ilang kalihukan.
This is the real essence of democracy: Each man to his own, to freely speak as one freely thinks, as freemen do in a free society provided the rights of others are not prejudiced or jeopardized.
RadyoMan June Duterte
