Davao City- Kun mapamatud-an sa hingtungdang kapulisan nga sila si Kian Loyd delos Santos, Carl Angelo Arnaiz ug Reynaldo de Guzman alyas ‘Kulot’ pulos involved gayud sa iligal nga droga, at least adunay diyutay’ng depensang kasandigan ang mga awtoridad nga apil sa operasyon.
Apan manubag gayud ang concerned police personnel nganong inay ti-ilon lamang, gi-ulo man gayud kun gi-ayo’g hunos sa kinabuhi kun grabe kamangtas nga pamaagi sa paghunos sa kinabuhi sa mga batan-ong biktima.
Kun molutaw ang scenario nga panabotahe kini sa pipila ka mga pwersa sulod ug gawas sa gobyerno haron palup-ogon kun pabagsakon kini nga rehimen, nan angay hinloan sa kapulisan ang ilang naduhig ug maayo nga pangalan pinaagi sa pagdiskubre kinsa ang mga saboteurs ug ilang mga kakosa ug patubangon sa krimen nga ilang nahimo.
Pikas bahin, kun motindog ang posibleng scenario nga gisakyan lamang sa mga sindikato sa droga ang lehitimong operasyon haron pulis maoy pakasad-on ning mga insidenteng kamatay, hagit sa mga tinugyanan sa balaud nga molusad na sa ‘all-out war’ kontra illegal drugs haron sila maoy ipunting ug patubagon ug ang imahe sa atong nasudnong kapulisan masalbar gikan sa dili maki-angayong akusasyon gikan sa mga kalaban sa pamunuan.
Kasamang June Duterte
