Davao City – Alang nako, dili kaseguruhan nga kun hingpit nang idili ang
pagsul-ob sa mga tabon sa nawong nga matapos na usab ang krimen niadtong
mga tawong luwan sa mga motorsiklo: It would require a more creative, more
effective crime-fighting strategy and capability.
Sa akong kaugalingong pamensar, kun ang kriminal mohimo gayud sa usaka
nilu-og nga binuhatan, buhaton gayud niya kini – may ban man or wala sa
helmets, face masks ug uban pa.
Tingali mas maayong atong ipursigi kining mosunod:
Una, hugot nga security operations sa atong kapulisan ug uban pang sanga sa
gobyerno kun kining gitawag nga police visibility. Napamatud-an nato sa
daghang mga katuigan nga kun kusog gani ang presensiya sa kapulisan, ang
mga dautan magduha-duha sa paghimo sa ilang binuhatan – gawas lamang kung
pulis na gyud mismo ang involved sa salaud – kana otra cosa na siya.
Ikaduha, hugot nga kampanya kontra loose firearms. Kun hugtan man gud nato
ang pagdili sa pagbitbit sa armas pinaagi sa mas aktibong random or
surprise checkpoints, ako nagtoo nga mas makibrahan nato ang kriminalidad,
kun dili man gani nato hingpit nga mapugngan o ma-neutralisa.
Ug ikatulo, hingpit nga pag-regulate sa pagpamaligya sa mga single
motorcycles sanglit masayon na man gud karon ang pagpalit sa maong behikulo
kay sa kantidad nga P1,000 makapalit ka na man ug repossessed units diha sa
mga pawnshops.
Denheng dapita gihagit nato ang Land Transportation Office (LTO) nga
magmugna ug mas epektibong mekanismo o kaha sistema sa pag-track down sa
mga single motorcycles nga gamit sa riding-in-tandem sama niadtong
gi-carnap, kadtong adunay ‘kambal-plaka’ kun gisundog nga license plates
aron gamiton sa dinautang katuyuan or bin ba kaha ang paglutos niadtong
wala gayuy plaka sa sinugdanan pa lamang.
Dili ni madala lamang sa simpleng pagdili sa face masks, helmets ug uban
pa: Labaw’ng gikinahanglan nato ang mas komprehensibo ug mas pro-active nga
lakang sa atong mga tinugyanan sa balaud aron panalipdan ang seguridad sa
yanong katawhan.
RadyoMaN June Duterte
