Davao City-Matuod gayud nga ang korapsyon kun pagpangurap kun pagpangawkaw sa kwarta sa katawhan komon nga suliran diha sa panggobyerno apan dili kini monopoliya lamang diha sa buro sa adwana: Anaa usab kini sa uban pang mga ahensya ug buhatan sa gobyernong lokal ingon man nasyunal.
Nagpasabot lamang kini nga wala diha sa istruktura kun physical organization ang problema: Anaa sa mga tawo, personahe ug mga opisyales kinsa gitagan-an sa poder nga manerbisyo ug mangalagad ubos sa nasangpit nga kontrobersyal nga mga buhatan.
So let there be a full-dress, full-blown investigation on this matter leaving no stone unturned. Those found to be complicit in the crime of conniving with those in power to rob the nation of its coffers and its resources must be summarily dismissed and hailed to court immediately.
Angay nga paspasan ang ilang tagsatagsa ka mga kaso ug kun mapamatud-ang nagkasala, unsay dugayan ibalhug largo ngadto’s bilanggoan haron makabaton kita’g hustisya.
Kun buot kitang mag-usab sa dagan kun pamalakad sa gobyerno, sugdan nato diha sa pag-instalar sa saktong klase sa mga tawong may kahadlok sa Diyos, may igong katakos, kaligdong ug integridad – kadtong mga public servants kinsa nagrekognisar sa usaka government post nga talagsa-ong oportunidad kun pribilehiyo sa pagpangalagad sa nasud ug dili haron mamentaha sa ilang isig-kaingon or pagpaburot sa ilang mga bulsa, tiyan ug kaugalingon.
Kasamang June Duterte
