Davao City – Sa mga panahon diin hulga-on ang kalig-on ug estabilidad sa atong katilingban, usaka dakung sala kun krimen ang pagwaldas o bin ba kaha ang pagpangawkaw sa kwarta sa katawhan.
Lisud na gani ang atong kahimtang bunga sa mga trahedya o kalamidad nga nagapanghitabo sa atong palibot, dugangan pa gyud sa mga karahong dagku kinsa way pakundangan sa pagwaldas sa salapi sa lungsod pinaagi sa gradioso, extravagant ug grabe ka buhong nga Christmas Party sa PCSO.
Samot kun tinood ang alegasyon nga dakung pahat sa nakolekta gikan sa mga STL operations sa entero nasud atua diay niadto sa lawum kaayong bulsa sa mga kawatan sa kagamhanan.
Subli natong gi-awhag ang liderato nga dili lung-an kun adunay mapruwebahang anomaliya sa tanang mga ahensiya sa gobyerno sa ngalan sa interes sa yanong tawo.
Maanindot kun atong tak-opan kining tuiga pinaagi sa paghinlo sa atong burukrasya haron hapsay ang atong kadumalahan sa dihang mo-entra na unya ang bag-ong tuig nga puno sa kahilway.
Ug kun ato man ugaling gi-zero in karon ang PCSO, maki-angayon lamang tingali nga ang susamang hagit alang sa mas hinlo nga klase sa pagdumala sa mga buhatan sa kagamhanan atong ipunting ngadto usab sa uban.
This government is challenged to make good its earlier promise that even just a ‘whiff of corruption’ will already be basis enough to shakeup a particular department or bureau.
Nakita na nato kini sa ubang mga buhatan, angay lamang nga ipailawom usab ang ubang mga GOCCs sa susamang test of transparency and integrity.
RadyoMaN June Duterte
