Davao City- Wala koy problema sa ideya sa legalisasyon – apan pinasikad lamang sa gitawag nga supisyenteng scientific data, extensive laboratory research and empirical data nga mag-establisar gayud ciento por ciento sa medicinal value sa mga herbas alang sa maayong panglawas.
Bisan ang syensya abli sa ideya sa padayong pagpanuki-duki ug estudyo kun pagtoon haron makaplagan ang mga bag-ong tambal sa mga balatian sa tawo.
Apan una pa man admitahon for general use ang usaka bag-ong formula, angay ni-agi kini’g arang kalalom nga testing and medical trials sanglit kinabuhi baya ang gihisgotan dinhing dapita.
Ikaduha, magmabinantayon kita sa mga sugyot-balaudnon gumikan sa malagmit dautang implikasyon sa atong mga konsepto ug proposals sama sa impresyon nga kay dili man nato makaya, ato na lang i-legalisar.
Kun tugtan man gud nato ang medical or medicinal marijuana, what will prevent our lawmakers from proposing in the future the full authorization of other delicate concoctions or substances such as methampethamine hydrochloride or shabu?
Dili kaha kini mamahimong ‘bad precedent’ kun dautang sumbanan diin inay hugtan pa’g maayo ang war on drugs, ato na man hinoong gipangitaan ug medyos haron ang dili maayo mamahimong katanggap-tanggap sa mabagang duot sa katawhan in the guise of medicinal use or compassionate value?
What will prevent our lawmakers from thinking of other controversial legalizations in the future, for example same-sex marriage, simplified divorce and others? The moment we allow marijuana legalization, daw nagbukas kita sa gitawag nga Pandora’s box nga puno sa mga trahedya o katalagman-sosyal.
RadyoMan June Duterte
