Davao City – Matuod gayud nga nakamugna ug dakung kabalaka ang isyung Dengvaxia diha sa atong katawhan ilabi na nganha sa mga ginikanan kinsa gibati na karon ug tumang kahadlok sa atong mga dughan sa posibleng dautang epekto kun implikasyon sa usaka bulilyasong programa sa gobyerno.
Tama lamang nga bation ug dakung concern kitang mga lungsuranon gumikan kay sa latest data, 11 na ang mga batang gituhuang namatay ug 26 na baya ka mga kabatan-onan ang gisuspetsahang anaa karon sa kadelikado human nga natuslokan sa bakunang Dengvaxia.
Gane, denhe sa Region XI adunay 132 ka mga pasyente ang hugot nga gi-monitor karon gumikan kay sila nabakunahan sa Dengvaxia partikular diha sa mga private clinics.
So, unsay leksyon nga angay natong makat-onan sa Dengvaxia issue?
Una: Kun maayong panglawas na gani ang atong hisgotan, there is no middle ground – kun dili pa sigurado ang usaka tambal or bin ba kaha vaccine, walay angay implementasyon niini.
Ang gihimo sa gobyerno kaniadto nga massive vaccination campaign bisan kun dili pa hingpit ang efficacy niini usaka dakung sala sanglit kini nga matang sa pagpabaya nikostar man ug bililhong kinabuhi sa atong mga kaanakan.
Angayan lamang nga kadtong mga kadagkuang nagpasiugda niini kasuhan ug ‘criminal negligence resulting to homicide’ bisan pa man kun maayo tuod ang ilang intensyon sanglit ang nilugdangan kamatayon na man hinoon inay nga kaayuhan sa tanan.
Ikaduha: Ang gobyerno angay molihuk na haron ideklara ang usaka State of National Emergency haron ang tanang rekursos ug makinaryas sa estado sarang magamit ug mamobilisar alang sa pagpugong sa hitabong kamatay mugna sa usaka palpak nga matang sa programa de govierno.
RadyoMaN June Duterte
