Davao City – Naa koy usa ka pangutana ngadto ninyo, ‘bay: Andam ba ‘ta nga makiggyera sa tanang mga kontra sa gobyerno o estado sa mosunod nga mga dekada? Andam ba ‘ta nga mohalad sa dugang dugo ug kinabuhi diha sa altar sa atong nasudnong kagawasan ug hiniusang kalingkawasan?
Preparado ba kita nga padayong makita kun masud-ong ang mapait nga senaryong kamatayon sa atong mga batan-ong sundalo, pulis ug uban pang mga awtoridad lakip na gani ang mga inosenteng sibilyan sa usaka ‘protracted war of independence and liberation’ nga gilusad sa mga komunista ug sa mga terorista?
O dili kaha panahon na nga atong sulayan pagbugtaw ang idlas pa sa kasili apan dili imposible, malungtaron ug malahutayong kalinaw denhe sa atong nasud nga gihikaw kanato sa panahon gumikan sa nagkabangi nga prinsipyo, ideolohiya, relihiyon ug uban pang postura ug baruganan sa kun unsaon pagpadagan kining atong nag-inusarang katilingban?
Akong gidasig ang tanan nga balikan nato ang kasaysayan haron ang nahitabo na kaniadto dili na masubli pa sama sa masakit ug mapait nga eksperyensya sa nasud sa Indonesia niadtong 1965 diin sa ngalan sa anti-communist war or purging, milyon-milyon ka mga Indonesians ang napatay – gumikan lamang sa managlahi nga tinohoan-pulitikal.
Subli-on ko, andam na ba kita nga mangita ug mas maayong alternatibo sa gubat kun gyera aron pagkab-ot sa atong mga mithi ug gitinguha sa kinabuhi?
Or padayon na lamang kitang magpabilin nga nasugamak ingon man maglunang diha sa pagbitbit ug armas hangtud ang mahibilin kadto na lamang nga buhi ubos sa doktrinang ‘matira ang matibay’?
Are we ready to take one meaningful step backwards to allow the other side to move forward so that together, we can meet halfway in what we call a middle ground of compromise and negotiated settlement?
RadyoMaN June Duterte
