Ang tanang butang ibabaw ning kalibutan gikinahanglan gayud nga adunay regulasyon kun pagkontrolar kon dili man gani outright limitation.
Kini gumikan kay kun magpasulabi, ang usaka butang – or binuhatan – malagmit gayud maghatud ug dili maayo, negatibo ug dili akseptado nga resulta o nilugdangan.
Ang paggamit kun pag-utilisar nato sa mga modernong impluwensiya sa kalibutan adunay gitumong nga mga kaayuhan kun benepisyo apan dili usab nato ikalalis nga ang nanghinobrang dependence kun pag-involve nato diha pananglitan sa modern technology sama sa internet usage, gadgets ug social media maghatud gayud ug negatibo.
Kun kaniadto ang gikabuangan lamang namong mga hamtong na mao ra gyud intawon ang barkada-barkada, usahay moabot pa gyud sa sayawan kun baylehan, karon lahi na ang realidad: Bisan sulod sa atong mga panimalay, ang mga family members nawad-an na sa hiyas sa pag-communicate ug labaw sa nga tanan, sa matuod nga pag-relate.
We have, in fact redefined the definition of ‘friends’ kay sa simple lamang nga pag-confirm sa request, higala na mo automatic ug kun magkabangi, dayon ug ‘block’ o ‘unfriend.’ Ang ato man gud nga ‘instant culture’ mao ra usay nagtukmod kanato bata man o hamtong nga gilayon modangop sa social media alang sa paspas nga inpormasyon ug sa gaming alang sa ilang entertainment ug katagbawan.
Inay nga pamilya ug matuod nga mga higala, ang bugnaw na man hinoon nga gadget, laptop, tab or desktop maoy gidanggpan sa usaka tawong nanginahanglan sa mainitong pag-amoma ug pagtagad nga sa tinood lang, diha ra gayud niya matagamtaman sa mainitong pakigsandurot sa isig kaingon.
Ang laraw pagdeklara sa nanghingapin nga online gaming ug uban pang susamang kalingawan sa internet nga usaka ‘gaming disorder’ usa ka dakung wake-up call kanatong tanan nga salbaron ang usaka nilalang batan-on man o hamtong na sa pagkagapos sa teknolohiya.
Ang atong kalipay o katagbawan wala diha sa mga gadgets apan diha sa kinabuhi nga atong gitagana alang sa pagkab-ot sa atong esensya kun sa atong pagkakita.
There is no substitute for a warm handshake, a timely hug or an embrace or a word of affirmation from people whom we treasure so much to fill our deep longings in life.
RadyoMaN June Duterte
