Davao City- Karon nga subli na usab natong nasaksihan ug nasinatian ang makalilisang nga mga katalagman sama ni Hurricane Harvey ug Irma ingon man mga pagbaha, paglinog, pagdahili sa yuta ug uban pa, mangutana na usab kita sa matag usa:
Kaantigo na ba kita unsay angay unahon ug buhaton tugbang sa malisud nga scenario nga kadaut ug peligro sa nag-alburuto nga kinaiyahan?
Unsa pa kaha ang mamahimo natong buhaton ug hugot ipatuman aron mamahimong hingpit kining atong pagpangandam sa mga dili matagna apan pwede kaayong preparahan nga mga dautang panghitabo nga mugna sa nagkayuri nga klima ug nagkamaut nga kondisyon sa kalibutan?
At stake karon dili lamang ang kahapsay sa atong kinaiyahan kon dili mismong ang kalingkawasan kun survival natong katawhan kinsa nagpuyo kun nag-estar ning nag-inusara natong kalibutan.
When we allow this planet Earth to go to waste, it goes without saying that we have likewise allowed by default our very own destruction because our future is intertwined: Either we fight for earth’s immediate rehabilitation – or we go the way of the dinosaurs.
Nakahinumdom ka ba sa nahitabo sa mga dinosaurs mile-milenya na ang nakalabay? Kalit silang nangawala sa insidenteng extinction.
Dili nato tugtan nga mapapas ibabaw sa kalibutan kitang tawong gitugahan sa Kahitas-an nga solamenteng tigmanggad kun steward sa iyang gimugna nga matahum nga kalikupan.
Kasamang June Duterte
