Davao City – Adunay mga butang ibabaw ning kalibutan nga mas maayong sundon nato ang naturalesa sa dihang kini gimugna sa Kahitas-an sama sa kasarian kun gender sa usaka binuhat kun nilalang.
The moment we tamper with the Divine design, we altogether change everything ug ang delikado pa gyud niana, dili na ‘ta unya makapugong pa sa mga negatibong implikasyones nga mamugna niini.
Naa na ko diha sa giingon nga ‘equal rights’ ug ‘right to happiness’ sa matag usa kanato apan ang ekspresyon sa maong katungod angay mahasubay sa mga lagda kay mag-unsa na man lang kining atong katilingban kun ang pundasyon sa atong mga pagabuhaton atong i-angkla lamang diha sa kun unsay uso karon, unsay moda, unsay komon ug akseptado sa sosyedad nga paspas ra ba kaayo mag-usab usab?
Unsa may atong isunod nga i-legalize: Ang divorce sa Pilipinas, ang pagbutang ug ‘expiration date’ diha sa Marriage Contract, ang euthanasia kun ‘mercy killing’ ug uban pang kontrobersyal kaayong mga matang sa pamaagi kun palisiya?
Ako nagtoo nga mahatagan gihapon nato sa pagrespetar ang mga LGBT pinaagi sa paglantaw kanila sa parehas nga lebel in terms of educational and employment opportunities, diha sa paghatag kanila sa patas nga tsansang mosaka sa career ladder dili gumikan kay sila bayot o tomboy kon dili gumikan kay sila may igong kahibalo ug katakos sama sa kasarangan nga lalaki ug babaye sa atong katilingban.
Wala nagpasabot nga como gisulti sa presidente, ato na kining sundon hook, line and sinker. Ako padayon nga nagasuporta sa liderato ni Pres. Rodrigo Duterte, I remain to be a firm believer in his unique style of leadership ug mga maanindot nga tumong ug mga obhetibo sa iyang pamunuan apan sa hisgotanang ‘same-sex marriage’ or ‘civil union,’ despensa me sukwahi ang akong gibarugan.
RadyoMaN June Duterte
