Davao City – “Christmas holds a special place in the hearts of our countrymen” – tinood gyud ni nga kamatuoran sumala sa pamahayag ni Presidential Spokesperson Harry Roque.
Mao man gani nga gikalipay nato ug daku uyamot ang deklarasyon ni Pres. Rodrigo Duterte alang sa napulo ka adlaw nga kalinaw panahon sa kapaskuhan paingon na ngadto sa selebrasyon sa bag-ong tuig.
Hinoon, aduna kitay dugang pang pangaliya: Nga unta dili lamang temporaryo kun tentative nga kalinaw ang atong mabatonan kon dili, kanang matang ba sa kalinaw nga malahutayon ug malungtaron.
Hangtud karon, dili ako kumbinsido sa gyera aron resolbahon ang panagbangi kun panagbingkil bunga man kana sa managkalahi-lahing pilosopiya sa kinabuhi, ideolohiya or tinohoan o relihiyon.
The best way to resolve conflict is still to sit down and talk our differing perspectives and mindsets.
Kun bukas lamang ang atong tagsa-tagsa ka mga dughan ug panghunahuna, dili halayo ang pagkasinabtanay ug ang pagbugtaw sa mas halapad ug undanon nga kalinaw dili lamang panahon sa pasko apan latas sa daghang mga katuigan.
Malipayon ug Malinawong Pasko kanatong tanan! God bless, everyone!
RadyoMaN June Duterte
