Davao City – Angay natong dawaton ang pipila ka mga realidad sa modernong panahon: Usa denhe mao kining pagtuyhakaw karon sa bag-ong istilong gisagop sa sagad nga mga batan-on kun mga millenials kinsa mas gipili nila ang mas independiyenteng panarbaho inay nga kadtong mabilanggo lamang sa 8-to-5 standard work schedule.
Maayo kini nga dagan sa pangempleyo kun atong konsiderahon ang mas lu-ag kun mas halapad nga ‘leeway and elbow room’ alang sa mga trabahante ilabi na dinha sa pagkab-ot sa mas daku-daku nga sweldo kun panuhulan sa mas hamubo nga period kun panahon.
Malikay usab nato ang bul-og sa mga manarbahu-ay sanglit dili na man kita magpunsisok unya sa arang ka traffic nga kadalanan ilabi na sa mga morning and afternoon rush hours aron lang makaabot sa buhatan nga atong gitrabahoan ug haron dili ma-late ug mamenosan sa sweldo matag kinsena.
Apan nabalaka ako sa uban pang mga side issues: Kun tinood nga mubo na karon ang tolerance level ug level of interest sa mga millenials diha sa ilang gitrabahoan, unsaon nila sa pag-develop sa ilang eksperyensya o kasinatian which is very vital to future employment opportunities?
Kun mas gipili nila ang home-based work or job climate, unsaon nila pag-develop sa ilang length of service, sa ilang inter-personal kun social or people skills? What about their security of tenure?
Dili kaha sila mahikawan sa importante kaayong period sa ilang pangempleyo diin sila mabansay ug maayo sa ilang mga basic, foundational and technical skills nga mabatonan lamang nimo kun mopailawom ka sa standard office setting diin ang mga supervisors maoy mogiya, mo-disiplina ug mag-mentor sa mga work apprentices buwahan ugma damlag sila makabaton sa igong kahibalo sa ilang tagsa-tagsa ka mga katakos sa panarbaho?
Ikaw, Kasama unsay imong personal nga tan-aw ning bag-ong istilo ug batasan karon sa pagpanarbaho sa atong mga bag-ong kaliwatan? Mas makaayo kaha kini sa ilang kaugmaon?
RadyoMaN June Duterte
