Suma Total sa Straight to the Point: Moralidad

83

Davao City – Mga kasama, dili nato buot nga nanghukom ngadto sa atong isig-kaingon kalambigit sa ilang mga binuhatan o kasal-anan pananglitan sa ilang mga sexual activities and preferences sanglit kita otro man sang arang ka buluyagon once upon a time, apan kun dili nato tarungon ang atong tagsa-tagsa ka mga kinabuhi, unsay atong pang-depensa batok sa HIV-AIDS?

Kun dili kita mamahimong masaligan sa atong karelasyon, sa atong asawa or mga bana, unsay atong dangatan kun wala kitay pagduhaduha nga magpa-uraray sa mga bukton sa laing binuhat?


Kun dili magtinarong ang lalaki ug magpadayon sa iyang relasyon ngadto sa iyang kabaro ra usab kun kapwa-lalaki, unsa may iyang taming kontra sa makamatay nga balatian?

Nagka-anam baya kadaghan karon ang gitawag nga mga ‘transteen’ kun mga batan-on nga nahimulag na sa tama nila nga gender kun kasarian, usahay mosangpot sa sahi nga pagkatawo nga ilang gipili.

Kun ang bisyong droga dili matuldukan diin ang pag-inject sa mga chemicals sulod sa lawas sa tawo magpabilin, unsay mahitabo sa unahan?

Ang hagit sa atong panahon mao nga anaa kanato ang paghukom or desisyon kun gusto ba kita nga maglakat sa hustong dalan o pili-on nato ang gitawag nga ‘bawal’ ug ‘panandaliang kaligayahan’ mugna sa iresponsableng sekswalidad sa lalaki o babaye.



Ang sex kun pakighilawas sagradong butang gimugna aron masinatian sulod lamang sa hawla sa kaminyoon. Kun ato kining buhaton gawas nianang regulasyon sa kalangitan, nan daw nag-imbitar kita’g ciertong kamatayon pinaagi sa kulba ug makuyaw nga matang sa balatian nga hangtud karon wala pay syensya or tambal nga nakit-an.


Ayaw tugti nga ikaw mahilakip sa padayong nagkataas nga ihap sa mga nataptan niini: Buhata ang tanan aron mamahimong matarong ang imong kaugalingon, sundon ang hustong kalagdaan sa hilway nga pamuyo aron atong matagamtaman ang tumang himaya nga way sama sa hustong kapamaraanan. Happy weekend sa tanan!

RadyoMaN June Duterte

Facebook Comments