Davao City – Usa ka karakter sa Pinoy mao ang resiliency: The ability to bounce back, especially from calamities, disasters, tragedies, wars and conflicts ug uban pang mga dili maayong panghitabo sa atong kinabuhi.
Sa bag-o pa lamang nitaliwan ug nibiya nga tuig 2017, daghan kita’g nasinatian nga mga maayo ug dili maayo: Sa mga maayong butang, magpasalamat ‘ta sa Ginoo nga gitugyanan ‘ta niya ug dili matukib, makabubungog nga mga grasya ug panalangin usahay dili wala gani nato hidamha ug ni sa hinagap, wala gayud nato masiplatan (Jeremiah 33:3).
Ug kay lagi tawo ra man kita dili gayud kita exempted gikan sa mga dautang insidente. Ug kay wala na man kitay mahimo niini, nahitabo na man kini sila, ang hagit kanato mao na lamang ang pag-akseptar sa kamatuoran bisan kun malisud o masakit nga palandungon, usahay makapangutana pa kita sa Diyos nganong atong ginalatas ang atong kalbaryo sa pagkakaron – sama intawon niadtong mga namatay sa NCCC, nabahaan ni bagyong ‘Vinta’ ug bisan na sa New Year’s Day sunog sa may Barangay Wilfredo Aquino Agdao.
Hagit kanato nga gamiton natong tungtunganan kun ‘launching pads’ sa atong pagbakud kun sa atong pag-move on kining mga katalagman ug mga pagsulay kanato diin gamiton nato ang mga leksyon kun pagtulun-an sa mga dautang kasinatian sanglit ang tanan aduna man gayuy katuyuan (Romans 8:28).
Gikan kanamo ngari sa RMN DXDC 621 Davao, dawata ang among kinasingkasing nga pangaliya nga ning tuiga, mas molambo kita sa atong tagsa-tagsa ka mga paninguha sa atong kinabuhi. Happy New Year!
RadyoMaN June Duterte
