Davao City – Do-or-die: Kini maoy akong paghulagway sa laraw pagbulgar karon sa gobyerno sa mga pangalan niadtong mga tawo ug mga opisyales kinsa gikatahong nagdula sa iligal nga droga, either as user, courier, financier or protector.
Usa kini ka agresibong istratehiya haron kadtong aktibo gayud nga involved sa drug trade maulawan entonces pinaagi sa delicadeza, mapugos na lamang sa pagbiya sa pangatungdanan – kun kini incumbent, or bin ba kaha dili na mopadayon pagpapili karong May 14 election – human nga i-anunsyo ngadto sa publiko ang init kaayong listahan.
Apan aduna kiniy downside kun negatibo: Posibleng matawag kini nga ‘kiss of death’ nga mosangpot sa katapusan sa political career sa mga tawong anaa sa among talaan ingon man maghatud ug daghang pagkwestion sa isyung human rights violations, kalapasan sa ‘due process’ ug ‘rule of law’ provisions sa atong Konstitusyon.
Suma total, anaa sa kamot sa estado ingon man judgment call kini sa atong mga awtoridad sama ni Pres. Rodrigo Duterte, PDEA, DILG ug uban pa ilabi na ang desisyon nga ipahibalo ngadto’s tanan ang mga tawong ilang giakusahan sa drug trade connections.
Ako nagtoo nga ang listahan dili produkto o bunga lamang sa imahinasyon sa gobyerno aron lamang ipamulitika kadtong ilang mga kaatbang: Ako nagtoo nga ni-agi kini ug makuting vetting process kun prosesong pag-validate, verify ug double checking sanglit seryoso kaayo kini nga akusasyon.
Bottomline is this: If you are not involved in drugs, nganong mahadlok ka man daw nga mabasa ang imong pangalan? Mahadlok ka,’bay – angay gyud kang tugkan ug sawan-sawan – kun tinood nga ikaw diay naggamit ug droga, nagtulak or bin ba kaha tigpanalipod ka sa mga tawong adik, wangbu ug lulong ning arang ka maot intawon nga matang sa bisyo ug kabuang!
Kun ako pa ikaw, resign na antes pa maulawan in public ug ayaw na hulata pa nga ikaw maapil sa latest subject sa nagpadayong‘Tokhang’!
RadyoMaN June Duterte
