Davao City – Mga kasama, gamiton nato nga hinagiban ang balota karong eleksyon sa May 14 aron pagtono ug ensakto sa atong pamunuan sa pinaka-ubos nga ang-ang: Ang atong kabarangayan.
Gamiton nato kini nga instrumento haron korehian kun man ugaling nakahimo kita kaniadto sa dakung kasaypanan diha sa pagpili ug mga buluyagong mga opisyales kinsa inay mamahimong role models sa katawhan, sila na man hinoon maoy nag-una una kun tigpasimuno sa kabuang sama pananglit sa pagtinapulan, sugal, krimen, bisyo, korapsyon ilabi na droga ug uban pa.
Kun nailad ‘ta nila kaniadto, karon unta dili na. Atong himoong personal nga adbokasiya nga kutob sa adik, korap ug bentahosong buot mukandidato sa barangay ug sa SK, ato silang hinginlan uban sa pag-ingon nga walay luna sa atong matarong nga pagdumala ang salawayon ug sindikato sanglit ang angay ninyo, sa prisohan!
Akong gipanawagan ang tanang kabarangayan sa entero syudad sa Davao ug ang kanait nga mga lokalidad sa Rehiyon Onse nga magmata na ‘ta, ‘bay: Dili na nato tugtan pa ang atong mga kaugalingon nga masayop na usab, dili na nato tugahan pa sa responsibilidad kadtong klaro na kaayong nagdula sa dutang buhat.
We will do the Filipino people a great service by stopping by all means drug personalities from getting elected into office: Mas makatabang ‘ta sa nasud kun inay botohan, mas maayong ipasukarap nato sila sa basurahan sanglit kana maoy hustong lugar nga angay nilang labayanan!
RadyoMaN June Duterte
