Davao City- Sukad sa pagsugod sa kampanya kontra iligal nga droga sa Duterte administration kapin usaka tuig na ang nakalabay, wala na kini lung-i pa niadtong mga kritiko kinsa wala usab mahutdi sa mga ataki sa istilo sa anti-narcotics campaign.
Dili ikalalis nga aduna gayuy gibati ug kalipay nga at last, nahatagan na gayud ug tukmang aksyon ang suliran sa droga nga niguba sa dili maihap nga mga pamilya, kaugmaon ug kinabuhi.
Gani, matud pa’s uban, mas daghan ang nalipay sa war on drugs apan mas gipili lamang nga magpakahilum, sila kadtong gitawag nga ‘silent majority’ kinsa nipili kang Duterte sa nilabay’ng eleksyon, nipaluyo sa iyang mga campaign promises ug hangtud karon, wala mawad-i’g pagsalig ngadto sa pamuno-nasud.
Apan angkunon usab nato nga dili hingpit ang mass support sa presidente sanglit nagpabilin man gihapon ang diyutay’ng pundok apan kansang tingog sa protesta nagwaragwag gihapon ug ang ilang adbokasiya batok sa drug war wala gayud mo-awop bisan pa man taliwala sa mga pagpanita kanila sa mga Dutertards.
Taliwala ning tanang buruka, unsay angay natong barugan nga kumbiksyon ug panglantaw?
Alang nako, husto ang gilakat nga direksyon sa rehimen nga pulpugon ang tibuk makinaryas sa droga pinaagi sa paglutos dili lamang sa mga ultimong street peddlers kun couriers apan lahos ngadto sa mga dagkung tawong nagpayuhot niini sama ni Maasin Sarangani Mayor Aniceto Lopez, Jr. ug uban pang impluwensyadong tawo.
Hinonoa, paminawon nato ang reklamo sa mga ‘bleeding hearts’ sanglit balido man usab ang ilang kahadlok nga basin unya’g madalahig kitang mga yanong lungsuranon diha sa EJKs bisan kun wa kitay labot ug nga dili kita mohunong kutob lamang sa pagpankohang.
I strongly believe that there must be a better way to conquer the monster we call drugs: A unified concerted action by the whole of society and not just by the government alone, a shift of emphasis from law enforcement or arrests into a more pro-active approach of prevention or drug use minimization and harm reduction.
RadyoMan June Duterte
