Davao City – Ning panahon sa paghinuklog, paghinumdom ug pagbalik-lantaw sa kinabuhi sa atong Ginoong Hesus Kristo, adunay mga butang nga angay atong banhawon pag-usab dinhi sa atong mga dughan.
Mas makatampo sa pagpalambo sa atong pagkatawo kun pangutan-on nato ang atong kaugalingon sa unsang pamaagi ba kita makapakita ug makapamatuod sa atong pagsandig dinha sa gahum sa Diyos sa atong kinabuhi?
Aduna pa bay kulang diha sa gihimo sa atong Ginoo sa krus sa Kalbaryo haron pugson pa nato ang atong kaugalingon sa pagbitbit sa bug-at ug dakung krus sa atong mga abaga ug magpalansang usab sama Kaniya?
Kinahanglan pa ba nga magpakita kita’g pagkamaayo nga external lamang apan diay ‘to hugaw ug haguka gihapon ang atong tagsa-tagsa ka mga dughan?
Or ikaw ba ‘tong nagtoo ug hingpit nga kumbinsido nga wala na kitay ikadugang pa sa gihimong pagluwas kanato sa atong Manunubos sa tanan sa dihang Siya nidupa samtang nagbitay alang kanimo ug nako ug alang kanatong tanan sanglit Siya na man ang nahimong pekpektong substitute natong mga tawong makasasala?
Diha sa Hebrews 9:28 atong maamguhan kini nga kamatuoran:
“So Christ was sacrificed once to take away the sins of many; and He will appear a second time, not to bear sin, but to bring salvation to those who are waiting for Him.”
So natapos na sa hingpit ang paglukat kanato gikan sa tunglo sa sala: Man has already been ransomed or redeemed from the wages of sin which is death and perpetual separation from the glory and presence of God.
Ang hagit na lamang kanato karon mao ang dili sa pagdupa diha sa mga krus kun mga kalbaryo sa atong kinabuhi, kon dili ang pagdangop kanunay sa kiliran sa atong Amahan haron bisan unsa pa man nga mga bagyo o mga pagsulay ang atong masugatan samtang naglawig ning walog sa kinabuhi, dili kita mahisalaag, dili kita mahikawan sa kusog ug kinaadman aron magkinabuhi nga matarong subay sa Iyang hingpit nga kabubut-on sa atong mga kinabuhi.
Ang Diyos sa Kalangitan mopanalangin kanatong tanan sa walay kinutuban – God bless!
RadyoMaN June Duterte
