Davao City- Mga Kasama, ngano gyud kaha nga bisan pa man tuod sa kataas sa panahon nga gitagana alang sa information dissemination sa atong mga lagda sa panakayan ug transportasyon, aduna sa gihapoy masakpan nga nag-violate gikan sa pinaka-simple ngadto sa pinakadaku kun pinakabug-at nga mga regulasyon?
Tan-awa ra gud ninyo ang na-isyuhan ug citation tickets sa Anti-Jaywalking Ordinance ug uban pang traffic rules and regulations: Kapin 10 mil, ngano man ni makapangutana ko?
Tungod ba kaha kini sa haguka nga enforcement diin subang-subag lamang, walay consistency ug ‘ningas-cogon’ ang istilo sa atong kampanya?
Dili kaha tinukmod kini sa masinupakon kun supakerong pamatasan nato nga dili ‘ta kaantigong mosunod sa gilagda sa gobyerno kay mas gipili nato nga magbuot-buot ra ‘ta ug ato-ato?
Sa nadunggan nato nga mga inisyal nga reaksyon sa katawhan, mogula baya nga ania kanatong mga lungsuranon ang apan, wala diha sa mga tigpatuman sa ingon. Kay mag-unsa man tuod ang pag-ukoy ukoy sa mga law implementors kun ang ordinaryo ug yanong tawo walay planong mosunod sa kun unsa ang husto ug ensakto – subay sa maayong pamatasan ug ka matarong sa atong pagabuhaton.
Ako nagtoo nga ang ka-epektibo sa usaka balaud anaa gayud sa gidaghanon sa katawhan nga andam ug taganang motuman niini nga walay kapin kabubut-on. Denhe nato masukod ang obedience kun pagkamatumanon sa tawo sa mga reglamentos sa estado tungod ug alang sa kahilway ug kahamugaway sa kinabuhi sa atong sosyedad ug natong tanan.
RadyoMan June Duterte
