Davao City – Akong gidasig karon ang tanang mga kandidato sa eleksyon nga ipakita by example nga andam ug tagana silang mosagop sa gitawag nga ‘responsible campaigning’ diin dili pwersa, kwarta or popularidad ang ilang ibandilyo sa mosunod nga siyam ka adlaw sa campaign period sugod karon hinonoa ang ilang ipasibaw mao lamang ang ilang mga laraw sa kadumalahan kun platform and program of government.
Sa tanang mga botante, ako nanghinaut nga atong sagopon usab ang pilosopiya nga ‘wise and intelligent voting’ diin atong gamiton ang atong sagradong gahum kun ‘right of suffrage’ isip hustong panukaran sa pagpatuman sa matinud-anon ug malungtarong matang sa kausaban ug progreso sa tanan natong mga kabarangayan sa entero kapupud-an.
Subli-on ko: Gamiton nato kining talagsaong gahum ug higayon ubos sa atong Konstitusyon diin kita maoy mamili kinsa ang hinginlan ug hikawan sa atong bililhong boto ug kinsa usab ang deserving kun angayan sa atong pagsalig ug kumpyansa ug sa espesyal nga pribilehiyong manerbisyo sa tawo ug sa lungsod.
Nanghinaut usab ako nga dili kita masayop sa dihang kita tawgon sa higayon aron mamili: Hinaut nga sa dihang atong isulat ang pangalan sa kandidato, dili ang kwarta, popularidad or pabor ang magtukmod kanato sa pagdesidir sa ingon, kon dili solamente ang atong hingpit nga pagsalig nga sila kadtong adunay igong katakos ug kaligdong nga mangalagad ngari kanato.
Candidates, together let us campaign responsibly! Voters, together let us vote wisely and intelligently for the sake of the nation!
RadyoMaN June Duterte
