Davao City – Dakung hagit alang sa mga ahensya sa gobyerno lokal man o nasyunal nga tarungon ug ayuhon ang ilang pagpanerbisyo ngadto sa tawo aron ang naulahi walay ikawasay ngadto kanila.
Atong subling gipahinumdom ngadto sa mga nangalagad sa gobyerno nga ang tawo maoy nagsweldo ug nagbuhi kanila maoy hinungdan nga angayan lamang gayud nga itunol nila ngari kanato ang pinaka da best nga serbisyo-publiko.
Sama sa ubang kanasuran sa kalibutan kun mag-istorya gani ta’g government services, atong gihisgotan diha ang serbisyong mas maayo pa itandi sa private sector kana gumikan kay ang gobyerno man gud adunay pupaigong resources, makinaryas ug personahe sanglit dili man profit kun ginansiya ang motibasyon nila sa pagpanarbaho, kon dili, ang pagpa-alibyo sa kinabuhi sa mga lungsuranon kinsa maoy nagtagana sa ilang buhis aron moganar ang istruktura sa gobyerno diin sila tipik ug kabahin niini.
Walay parte, walay luna sa parpanerbisyo diha sa gobyerno kadtong mga isnabero ug isnabera, kadtong walay kasingkasing, kadtong walay ‘puso’ alang sa tawong ilang gi-alagaran, kadtong mga personaheng magmug-ot ug ang tan-aw sa katawhan usaka matang sa perwisyo o distorbo nga pwede lamang kaayong sika-sikaan, dili tagdon ug dili i-respetar.
Sa mga government workers and officers, check your mandate and your job description once again, please.The last time I checked, ang definition sa panggobyerno mao nga ‘government FOR the people, BY the people and OF the people.’
Sa laktod pagkasulti, ang esensya sa matuod nga serbisyo publiko mao lamang gayud ang tawo. So alang niadtong wala nakasabot niini, I think you are in the wrong profession and so you better resign and let others serve the public.Simple.
RadyoMaN June Duterte
