Davao City – Gikalipay nato’g daku uyamot nga naghatag karon ug ehemplo si Mayor Inday Sara ngadto sa mga adik sulod sa panggobyerno: Better shape up or be shipped out!
Husto ang mando nga maglusad ug random drug tests sulod sa kagamhanang lokal apan mas maayong sundogon kini sa uban pang sektor haron makab-ot nato ang atong gimithi nga unta mamahimo na gayud kita nga usaka ‘100% Drug-Free City’ diin ang tanang mga kabarangayan ma-classify na unya nga ‘drug-cleared’ kun luwas na sa kapyot o gunit sa mangtas nga binuhatang drug addiction.
But in order for this war on drugs to progress and to succeed, it must be waged relentlessly and without any qualms whatsoever. Molampos lamang kining nasangpit nga krusada batok sa iligal nga droga kun dili lung-an sa gobyerno ang paglutos sa tanang nalambigit sa maong salawayong binuhatan – from the drug sources to the ordinary users.
Nagpasabot kini nga angayang sustinihan ang gubat kontra droga 24 hours a day, 365 days a year, all-season, all-year-round, round-the-clock nga walay palong-palong.
Kinahanglan nga ang maong kampanya motutok dili lamang sa mga gagmay’ng pusher-user-peddler apan ilahos gayud nato ngadto sa mga manufacturer-trafficker-protector-financier sanglit ang maong sinindikatong buhat usa man ka organisado nga matang sa industriya nga gilangkuban sa daghang operatiba sa nagkadaiyang ang-ang kun lebel.
While law enforcers are mandated to run after all those who operate these crime operations, it behooves upon the state to also take into consideration the medical aspect of this dilemma, which means angayang ilusad dili lamang ang gitawag nga ‘war of attrition’ apan itupad usab ang kaakibat nga mga programang ‘market denial or supply minimization’ ingon man ang gitawag nga ‘harm reduction, drug rehabilitation and medical treatment’ niadtong nalulong kun nabiktima na sa droga.
Dili mamahimong isandig lamang nato ang kampanya diha sa random drug test or drug awareness seminars lamang kon dili diha sa mas halapad ug mas komprehensibong approach diin lakbitan dili lamang ang pagpanokhang or pagpanakop or pagpang-dismiss apan lakip ang pagpalig-on sa pamilya ug katilingban aron ang usaka nilalang magtubo nga may kahimatngon sa kadelikado ning maong bisyo.
RadyoMaN June Duterte
