Davao City – Sa hisgotang pagpublikar sa pangalan sa mga tawong anaa sa drug or narco list ni Pres. Rodrigo Duterte aron magsilbing giya sa mga botante kun kinsa kadtong dili angayang botaran kay gidudahang involved sa illegal drugs, maghinay-hinay seguro ‘ta.
Let us proceed with extreme caution: Once ma-publicize or ma-announce sa media ang pangalan sa nahisgotang mga tawo ilabi na mga opisyales sa kabarangayan as advanced or suggested by the DILG leadership, that’s the end of their political career.
Rightly or wrongly, once madunggan na sa tawo nga sila anaa diay diha sa maong talaan, maka-ekspektar pa kaha sila nga pili-on pa sila sa tawo sa ilang komunidad?
Posibleng maayo ang atong intensyon sa pagpahibalo sa mga botante kinsa kadtong dili angayang sangunan sa bag-ong yogo sa pangatungdanan diha sa pinaka-ubos apan pinaka-kritikal nga lebel sa pagdumala.
Apan atong hinumdoman ang warning kun pasidaan sa Philippine National Police hierarchy: Gikinahanglan nila ang igong lugway’ng panahon aron beripikahon ug i-validate pa gayud sa mas halawom nga pamaagi ang nahisgotang talaan.
Kini haron mapanalipdan usab ang katungod sa mga naapil sa lista sa droga, aron ang ‘presumption of innocence,’ ‘due process and rule of law’ ug gani ang mas halapad nga probisyon o requirement sa Konstitusyon nga ‘equal protection of the law’ mahatagan ug igong bili ug pagtagad.
Whatever is the outcome of this debate, ako nangandoy nga unta mapanday ang importanteng mga guidelines sama sa paghimo sa drug test nga mandatory ug compulsory isip rekwisito una pa tugtan ang usaka tawo nga molansad sa iyang kandidatura – ma-lokal man o ma-nasyunal nga posisyon.
Ako usab motunol sa akong two cents worth of unsolicited advice: Inay nga yanong basahon ang drug or narco list sa simpleng pamaagi bahala na ang tawo unsay iyang hunahunaon, why not nga ato silang ikiha nga pormal sa kalapasan sa pertinenteng mga drug laws, rules and regulations?
Kun aduna kitay lig-on nga mga ebidensiya kun airtight case kontra sa mga anaa sa listahan, why not hale them to the courts of law ensigida?
Ikaw, Kasama, what do you think?
RadyoMaN June Duterte
