Davao City-Sa akong pagbubalanse sa isyung atong gihikyad karong buntaga ning tulumanon, klaro kaayo nga daghan ang buot nga ipabilin ang naandang otso oras nga ‘optimal working time’ sanglit ang mas mubo nga working days malagmit man nga mokostar na hinoon ug dakung epekto diha sa efficiency or productivity sa trabahante.
Gawas sa hisgotanang working hours sa matag empleyado o trabahante, mas mahinungdanon kaayo ang pagpangutana kun kumusta na ang availability sa mga job opportunities:
May igo ba nga oportunidad sa pagpangempleyo karon nga katrabahoan ang buot manginabuhi? Aduna bay masudlan ug trabaho bahala na kun ang kita gamay basta kanunay?
Kumusta ang seguridad sa atong pagpanarbaho kun job security? Kumusta ang kalig-on ug kahimsog sa tagsa-tagsa nato ka mga workplaces? Luwas na ba ang mga yano ug ultimong obrero gikan sa kontrakwalisasyon?
Kun ako ang pangutan-on, mas importante ang presensya sa trabaho alang sa tanang hut-ong sa tawo sibo sa kun unsa ang iyang gibatonan nga kapasidad o abilidad.
Dili kritikal alang nako ang gidak-on kun gidugayon sa oras ting-trabaho: Mas mahinungdanon alang kanako nga adunay trabahong pwedeng isangun sa atong mga abaga bahala na’g bug-at ug malisud kay trabaho baya ang atong gipangita.
Ang pangutana kun ato bang gibugti-an sa matinud-anong pagpanerbisyo ang atong employer kun kumpaniya kinsa nagtunol usab kanato sa talagsaong kahigayunan nga makapanginabuhi sa minatarong ug ligdong nga pamaagi.
Kasamang June Duterte
