Davao City – Ning labing ulahi, gitay-og ang syudad sa Davao sa sunod-sunod ug klase-klaseng mga pagsulay ug kalamidad.
Giigo kita sa bagyong si ‘Vinta’ nga nikalas ug daghang mga kinabuhi ingon man niguba sa dili ti-aw’ng gidak-on sa mga kabtangan ug propyedad.
Gibaha kita sa tumang kadistroso sa dihang gikuso-kuso ang atong mga komunidad sa grabeng tubig-baha diin adunay libo ka libong mga pamilyang nadislokar ug napugos sa paglalin.
Gitay-og usab ang atong kalig-on isip usaka komunidad sa dihang 37 ka mga kinabuhi nakalas sa sunog sa NCCC Mall pipila ka adlaw antes pa man ang Pasko.
Kagahapon, nakurat na lamang ang tanan sa dihang gi-anunsyo ni Vice-Mayor Paolo Duterte nga mobiya na sa pwesto gumikan sa mga isyung niigo ug padayong naghasol kaniya ingon man sa iyang pamilya.
Indeed these are very difficult, trying times: These are times that try men’s soul.
Apan lig-on ug maisogon baya ang Pilipino kay ma-personal man kana, ma-pamilya ba kaha nga suliran or suliran sa atong nasud, ako nasayud nga kita maka-bwelta ra gihapon kay kita malahutayon: We are a nation of survivors either from natural or man-made calamities and disasters.
Ug kun atong kuhaan ug base ang atong mga eksperyensya ug kasinatian kalambigit sa mga hagit sa atong kinabuhi, ako hingpit nga nakumbinsir nga sama sa atong gipakitang kusog, panaghiusa ug pagsalig sa Kahitas-an sa daghanan nang mga delubyo ug kalbaryong atong nasugata, makabarug ra unya kita, by the grace of God.
Let us continue to pray for one another: Kuhaon nato gikan sa kasingkasing sa matag usa ang kusog, animo ug inspirasyon sa paghawak-kamay o gunitay sa kamot nato labaw sa nga tanan, sa pagsangpit sa Kalangitan nga kita tabangang malampusong makalabang ning malisud kaayong dalan sa tumang pagbangutan. God bless each and everyone….
RadyoMaN June Duterte
