Davao City – Sa bangga tali sa tawo ug kinaiyahan, pilde gayud ang naha-una. Sa dihang molampornas na unya ang kabangis nga bitbit ug mugna sa nag-wild nga kalikupan, anaa gayud sa arang kalisud nga kahimtang kitang katawhan.
Apan gamit ang atong kasinatian sa mga mapait, masakit ug dugoon natong eksperyensya sa klase-klaseng mga kalamidad, unsay atong hikat-onan?
Ang atong kasinatian sa mga katalagman sama ni Pablo, Sendong ug Yolanda angay nagtudlo kanato sa mapait nga kamatuoran: Dili nato mapugngan ang nag-alburuto nga klima, apan daghan ta’g mahimo pagluwas sa atong kaugalingon ug sa atong pamilya gikan sa kamangtas sa balos sa naguba nga kalibutan.
Sugdan nato diha sa paglikay sa atong kaugalingon sa mga high-risk ug highly vulnerable areas haron dili ‘ta mapagan kun pananaglitan ang unos ug ang bundak sa bagyo ug kalamidad magsugod na.
Ilikay nato ang atong tagsa-tagsa ka mga banay gikan sa mga landslide, flood-prone ug flashflood areas ug earthquake generators.
Dili na nato hulaton pa nga ang gobyerno magpatuman na sa ‘forced evacuation’ sanglit basig paghidangat nianang tungora, mamahimong ulahi na unya ang tanan.
Sukna-on nato pag-usab ang mga tinugyanan kun naka-montar na ba kita sa mga kabalhinan nga areas kun ugaling mosaka na ang tubig-baha or bin ba kaha lampornason na ‘ta sa natural calamities.
Seryosohon nato ang atong pagpangandam ug pagpalig-on sa atong katakos sanglit bugtong kini man lamang ang kaya natong nahimo kontra sa gamhanang palibot o kalibutan sa dihang dili na niya mapugngan pa ang pagbusikad sa iyang tumang kasuko ug way sukod nga panimalos sa pagpasagad sa tawo kinsa mao unta ang unang gitahasan ug gitugahan sa kahitas-an nga maoy iyang steward kun tigmanggad o tigbalantay.
RadyoMaN June Duterte
