Davao City- Dili malilong nga kritikal gayud karon kining mga aksyon sa pamunuan aron rendahan ug ma-neutralisa ang illegal drugs nga ciertong moguba sa tanan natong gimanggad ug gihagoan sa tibuok natong kinabuhi.
Dili nato mabasol ang Duterte regime nga sa dakung pangandoy niining salbaron ang nasud gikan sa peligrong bitbit sa drugs, mapugos kini sa paggamit sa tanang arsenal kun hinagiban nga gitahag sa balaud niini sa ngalan sa pagprotehir sa kalingkawasan sa tanang mga lungsuranon.
Kun atong konsiderahon nga ang insidente sa Marawi gilangkuban dili lamang sa mga Islamist extremists ug mga ideologues apan sinambugan sa mga drug personalities lakip kadtong mga dagkung narco politicians, political warlords ug mga dautang elementong naligsan sa mga kampanya sa rehimen karon, dili na ‘ta matingala pa kun nganong nilungtad ug arang kadugay ang gyera didtong dapita.
Dayag na lang nga ang nagapanghitabo karon sa yuta sa Marawi bunga kun mugna sa arang kadaghang mga factors kun kawsa usa na dinha ang presensya sa mga sindikato sa iligal nga droga inubanan pa gayud sa poder sa mga local political warlords, narco politicians kinsa nagdula sa narkotiko ingon man ang partisipasyon niadtong mga hut-ong pulitikal kinsa dayag nga dismayado sa rehimeng Duterte.
This deadly cocktail or combination of reasons have apparently given rise or birth to this newest peace and security challenge in Mindanao which will require the full force and entire might of the law in order to defeat this monstrous adversary against the survival of our peaceful way of life and the future of the generations who will come after us, the generations yet unborn.
Tahas natong tanan nga dili magpanuko paggamit sa tanang lehitimong pwersang anaa sa atong mga kamot aron panalipdan ang kaugmaon natong tanan. Subli-on ko, walay luna bisan diyutay ning nasura kadtong nagtinguha sa pagpakunsad sa yawan-ong binuhatan sanglit kining atong katilingban gitagana man alang sa hilway natong pag-estar ug pagkinabuhi.
RadyoMan June Duterte
