Davao City – Plastado na ang seguridad sa Davao karon nga hingpit na nga natapos ang martial law sa Mindanao human ang dul-an tulo ka tuig.
Matud ni Task Force Davao Commander Col. Consolito Yecla, preparado na ang pwersa sa kasundaluhan sa habagatan karong tuig 2020 pinaagi sa pagdeklara sa pipila ka mga convergence areas nga ‘maximum security zone’ sama sa Roxas Night Market ug San Pedro Square.
Usab ni-request ang armadong kusog nga madugang ang Therma South Inc. Coal Power Plant, Sasa Wharf ug Davao International Airport sa mga high-security priority areas.
Sa tuig 2019, gi-institutionalize na sa lungsod sa Davao ang ‘culture of security’ diin ang tanang katawhan gitudloan unsa ka kritikal ug importante ang pagka-mabinantayon sanglit dili man tanang metro cuadrado nga area ma-cover sa mga awtoridad.
Gidili ang jackets, dili cleared water bottles, backpacks ug tanang mga gasul-ob og mga robe-like dresses inspeksyunon kini diha sa mga ‘curtain-type cubicle’ nga naka-montar diha sa mga checkpoints ug sa Davao City Overland Transport Terminal.
“We can safely say that among the cities dito sa Mindanao, Davao is the most prepared when it comes to security operations with the lifting of martial law. But the security of Davao City is not just the work of the authorities alone… kailangan din natin ang support ng mga tao…ang hinihingi lang natin sa mga tao is to practice the culture of security,” matud ni Yecla.
Gilusad sa Task Force Davao ang ‘Kalilintad 911’ ug ‘Tupad’ program diha sa pagtabang sa mga internally-displaced persons kinsa maoy pinaka-bulnerable subay sa nahitabong Marawi seige.
Una pa man natapos ng tuig 2019, giduso na sa mga awtoridad nga ipadayon ang pag-suspendi sa ‘Permit to Carry Firearms Outside of Residence (PTCFOR) aron sa ingon, ang mga awtoridad lamang gayod ang gitugtang madala-dala’g armas denhe sa Davao.
Niadtong labing ulahing City Peace and Order Council meeting, gisugyot ni Yecla ngadto kang Davao City Mayor Sara Duterte nga makig-alayon sila sa Davao del Norte ug Davao del Sur diha usab sa pagpatuman sa ‘culture of security’ ug magsilbi usab kining mga security buffer zones aron usab mapugngan ang pag-spill over sa kagubot.
“Kung ang Davao del Sur ug Davao del Norte ay nagpa-practice din ng ‘culture of security,’ bago mahuli ang masamang elemento dito sa Davao ay nahuli na sila sa Digos o sa Davao del Norte,” dugang sa TF commander.
RadyoMaN Aimee Guinita
