Davao City – Aksidenteng nibuto ang .45 pistola nga gipanag-iyahan sa usa ka private army nga nahitabo alas 6:43 sa hapon didto sulod sa Gaisano Mall nahimutang sa JP Laurel Ave. siyudad sa Davao.
Base sa report gikan Sta Ana Pnp ang sundalo mao si Pvt Artchan Samano hingkod ang edad ug naka assign sa 89 infantry battalion Charlie Company nga nakabase sa Sto. Tomas Davao Del Norte.
Sa gilusad nga imbestigasyon sa kapolisan matud pa ang naasoyng sundalo miadto sa maong mall sa dihang iyang gi-deposit ang .45 kalibre pistola ngadto sa usa ka lady guard nga si Mariano.
Human sa pagshopping pipila ka minutos nibalik ang sundalo ug iyang gikuha ang pistola sa dihang iyang gikasa ang maong pistola aksidenteng nibuto kini hinungdan sa pagkaigo sa iyang walang tudlo apil pa naigo ang walang tiil.
Human sa hitabo daling gitabang ug gidala ang sundalo balay tambalanan.
Ang management sa maong mall dili na interesado nga mopasaka og kaso batok sa sundalo.
RadyoMaN Don Pulayao
