South Cotabato—patay ang usa ka myembro sa Philippine Army human nga gipusil sa wala mailhing suspek alas 10:00 sa gabie sa may Tribaco Residence, Purok 5, Barangay San Vicente, Banga, South Cotabato.
Ang biktima giilang si PFC Joel Tribaco Pabon, 43 anyos, minyo , myembro sa Philippine Army nga nakabase sa 65th IB, 9th ID, Marawi ug residente sa Purok Ilang-Ilang, New Isabela, Tacurong City.
Subay sa imbistigasyon sa Banga MPS, ayha nahitabo ang pagpamusil, nag-inum ang biktima sa maong lugar uban ang usa ka Ronnie Guillema, 61anyos, mag-uuma, residente sa maong Barangay.
Kalit lang nga mibutho ang suspek dayon gipusil ang biktima sa iyang nawong gamit ang Shotgun paspas nga misibat ang suspek human sa pagpamusil, samtang ang biktima wala na madala pa sa ospital human nakabsan gilayon sa iyang kinabuhi.
Gibutyag ni Police Chief Ins Virlen Pampolina, Hepe sa Banga MPS, blangko pa sila sa motibo sa pagpamusil apan duna na silay gidudahang suspek sa krimen.
