Davao City – Padayon gihapon ang gihimong hot pursuit operation sa militar batok sa mga rebeldeng New People’s Army (NPA) human sa nahitabong engkwentro sa Barangay El Salvador, New Corella, Davao del Norte niadtong Lunes, Marso 25, 2019 nga miresulta sa pagkamatay sa usa ka sundalo.
Sa pakighinabi sa DXDC RMN Davao kang civil military operations officer of the Army’s 60th Infantry (Mediator) Battallion (60th IB), gibutyag niini nga aduna pa silay nakuhang dugang mga gamit ug armas gikan sa pikas grupo diin ila pang gipahugtan ang seguridad sa lugar diin gibutyag niini nga usa ka sundalo ang patay samtang ang samaran apan anaa na karon sa luwas nga kahimtang.
Gikumpirma usab ni Celestial nga susamang grupo ang ilang gika-engkwentro napulo ka adlaw ang nilabay sa Barangay Suawon, New Corella, Davao del Norte
Dugang pa niini nga nakabalik na usab ang pipila ka mga residente sa lugar human nga kini gipanghikling sa mas luwas nga lugar niadtong panahona.
Nagpasalamat usab ang militar sa kooperasyon sa mga residente sa lugar nga maoy mi-report mismo labot sa presensya sa mga rebeldeng grupo.
RadyoMaN Kirby Manzon
