Isang sundalo ang sugatan matapos pagbabarilin ng riding in tandem sa bayan ng Carmen sa lalawigan ng North Cotabato pasado alas 7 kagabi. Kinilala ang biktimang sundalo na si Pfc. Restoven Baqueran 27 residente ng Tuguegarao City na nakadestino sa bayan ng Carmen. Matagumpay namang natangay ng mga suspect ang sinasakyan nitong Honda XR 200cc motorcycle.
Sa report ay binubuntutan ng riding in tandem criminals ang biktima habang tinatahak ang bahagi ng Molave St. Purok 2 ng barangay Poblacion Carmen at walang sabi sabing siya ay binaril . Nagtamo ng dalawang tama ng bala ang biktima sa kanyang katawan at agad tumakas papalayo sa mga kriminal.
Narekober sa pinangyarihan ng krimen ang tatlong basyo mula sa caliber 45 pistol . Carnaping ang isa sa anggulong tinututukan ngayon ng Pnp sa insidente habang ang biktima ay kasalukyang nagpapagaling sa Cotabato Provincial Hospital.(Amer Sinsuat)
