General Santos City—mitahan sa ilahang kaugalingon ngadto Sa Alabel Municipal Police Station ang tulo ka mga suspek nga lambigit sa pagpamusil sulod sa usa ka videokihan sa may Barangay Ladol Alabel Sarangani Province niadtong milabay nga adlaw.
Giila ni Police Chief Inspector Benjie Ancheta, Hepe Sa Alabel Municipal Police Station ang mga suspek nga silang Corporal Gilbert Solomon, team leader sa CAFGU, Deleon Baan ug Jose Dagan pulos mga Myembro sa CAFGU.
Ang mga nahisgutan maoy gitudlong suspek sa pagpusil sa biktimang si Alejandro Yatot, 23 anyos , usa ka mananagat ug residenti sa Alabel Sarangani ug nag dunggab sa laing biktima nga si Jonathan Brucoy, 32 anyos , operator sa bangka, ug residenti sa Prk 2, Ladol, Alabel.
Basi sa pamahayag sa mga testigo, nagsugod ang tensyon tali sa mga biktima ug mga suspek human nga gikuhit sa usa sa mga susepk ang sampot sa asawa sa biktima.
Dugang pamahayag ni PCI Ancheta nga basi sa pamahayag sa suspek nga si Corporal Solomon, iyahang napusilan si Yatot human gisuwayan ug ilog ang iyahang armas.
kahinumduman nga narekober gikan sa crime scene ang duha ka empty shell sa caliber 38 nga armas nga gigamit sa suspek. sa kasamtangan gina-andam na ang kasong homicide ug frustrated homicide batok sa mga suspetsado. (Dave Silagan)
