Sundalo ug rebeldeng NPA nagkabagat, nagka engkwentro

125

Godod, ZDN-Walay gikatahong kaswalti sa nahitabong engkwentro didto sa lungsod sa Godod tali sa mga CPP-NPA Terrorist niadtong nakalabayng adlaw didto sa Sitio Makinaryas, Brgy. Bunawan, Godod.

Si Godod Executive Asst.Samuel Seronay ang mitaho ngadto sa kapulisan may kalabot sa hitabo nga engkwentro.


Gilayong naghimo ug checkpoint ang kapulisan sa Sitio Lusaran, Pob. Godod aron bantayan ang mao nga mga terorista.

Ang usa ka platoon sa 14DRC ilawom sa kadumalahan ni 2Lt. Constantino naghimo kini ug combat operation sa dihang ilang nakasugat ang dili mo ubos sa napulo ka myembrosa CNT’s.

Milungtad sa 15 minutos ang sinukliay sa buto sa armas, apan dali nga misibat ang mga rebelde palayo sa lugar.

Narekober sa nahitaboan ang 60 ka mga basyo sa bala sa M16, 25 metros nga wire sa IED, ug mga gamit sa Rebelde.

Sa karon padayon pa nga gibantayan sa mga sundalo ug kapulisan ang mga lihok sa rebeldeng NPA.

Facebook Comments

From Advertisers