Sa interview sa DXDC RMN Davao kang Police Major Elisa Ramirez giila niini ang dinakpan nga si PFC Rondell Lesiguez Hallazgo.
Sa report sa Los Amigos Police, 2:30 sa kadlawon Mayo 26,2023, samtang giingong nakig-inom ang maong sundalo sa duha ka nga kalalakin-an apan dihang buot niining pasudlon ang duha aron patulgon gipugngan kini sa mga complainant nga sila Frederick Tan Catigan ug Adrian Villamor Alivio.
Alegasyong naaburido ang sundalo ug nagpabuto sa iyahang armas hinungdan sa pagkalisang sa mga tawo sa lugar.
Daling nagpatabang sa mga awtoridad ang complainants ug nasakmit sa posisyon sa suspek ang .45 nga baril niini nga gitago niini sa iyahang sling bag.
Sumala ni Ramirez atol sa pagberipika sa nirespondeng kapulisan nasayrang walay dokumentos ang baril niini.
Mag-atubang kini og mga kasong paglapas sa RA 10591 kun Illegal Possession of Firearms ug grave threat.
RadyoMaN Aimee Guinita
