Davao City- Gipasidunggan sa 10th Infantry Division Philippine Army ang sundalong nitabang ug nangunay sa pagdakop sa isnatcher sa may Tagum City, Davao del Norte.
Si Brigadier General Allan Hambala, Acting Commander sa 10ID ang mismong ni-award sa Bronze Cross Medal ngadto kang Private First Class Junnel Perdido, sakop sa 10th Installation and Management Battalion (10IMB) atol sa Monday Flag Raising Ceremony sa Camp General Manuel T. Yan Senior in Mawab, Davao De Oro.
Gidayeg ni Hambala ang kaisog ug dedikasyon ni Perdido sa iyahang pagserbisyo sa katawhang nanginahanglan og tabang.
Si Perdido ang sundalong nigukod sa isnatcher nga nidagit sa pitaka sa usa ka babae sa ospital may Tagum City, Davao del Norte.
Nadakpan niini ang isnatcher ug narekober ang pitakang adunay sulod nga P30,000 nga pambayad sa pagpatambal sa ospital sa anak sa biktima.
RadyoMaN Aimee Guinita
Facebook Comments
