*General Santos City— Dili direktang ilalom sa 1002nd Brigade Phil Army ang sundalong si PFC Abdilla Ali, 22 anyos nga unang nadakpan sa gihimong buybust operation sa Police Station 1.*
*Sumala kang Lt. Faith Sela, tigpamaba sa 1002nd brigade nga si Ali ang lakip sa operational control sa 10th ID ilalom sa 2nd IB smart company.*
*Ang nahisgutan matud pa ang gikonsiderang rifle man kung asa lakip kini sa mga tropa nga nagapahigayon ug operasyon sa kabukiran ingon man community support program.*
*Pag-angkon niya nga wala silay kasayuran nga nahilambigit kini sa illegal nga aktibidad gumikan kung basehan ang iyahang performance, maayo matud pa kini sa trabaho.*
*Dugang pamahayag ni Lt. Sela nga nakurat sila dihang nasayran nga nadakpan na dinhi sa gensan ang nahisgutang sundalo hilabina nga adunay operasyon sa kabukiran ang ilahang tropa apan wala kini nag-duty.*
*Pagpaklaro niya nga sila sa militar ang hugot usab ang ginahimong kampanya batok illegal nga droga gumikan kini maoy nag-unang programa sa administrasyong Duterte.*
