Davao City – Gibati og kabalaka ang mga residente kagahapong adlawa diin sunod-sunod nilang nabati ang pagtay-og sa linog sa ilang lugar.
Base sa reports sa Philippine Institute of Volcanology and Seismology (PHIVOLCS), unang nitay-og ang Magnitude 3.8 nga linog alas 02:52 sa hapon sa Governor Generoso, gisundan kini sa laing magnitude 3.8 nga linog alas 09:31 kagabii sa Tarragona, samtang magnitude 4.0 ang nabati sa Mati alas 9:31 gihapon kagabii.
Base sa mga posts sa mga netizens sa facebook, mas samot nga nabalaka ang mga Taga Mati human gisundan sa Magnitude 2.2 nga linog alas 9:45 kagabii, Magnitude 2.9 alas 10:19, 2.4 alas 10:23, 3.2 alas 10:35, 3.5 pagkaabot sa alas 10:38, magnitude 2.9 alas 11:10 kagabii.
Subay sa talaan sa PHIVOLCS, tectonic ang tinubdan sa maong mga linog og walay laumang damyos ug aftershocks sa natigayong pag tay-og.
Sa pikas bahin, laing kusog nga pagtay-og usab ang nasinati sa mga taga Ilocos diin kagahapong adlawa, Magnitude 5.1 nga linog ang nitay-og sa Santa Catalina (Ilocos Sur) alas 3:6 sa hapon kagahapon diin nabati sa mga pipila ka mga lugar ang Intensity IV – Magsingal, Ilocos Sur; Bangued, Abra, Intensity III – Vigan City; Santa and San Esteban, Ilocos Sur; Pasuquin, Solsona & Carasi, Ilocos Norte; Tuguegarao, Cagayan; Flora, Apayao, Intensity II – Sta. Maria, Ilocos Sur; Kapangan, Benguet samtang Instrumental Intensities sa Sinait, Ilocos Sur- Intensity V, Intensity III sa Pasuquin, Ilocos Norte.
Tectonic ang tinubdan sa maong mga linog apan gilaumang dunay aftershocks ang natigayong Magnitude 5.1 nga linog.
RadyoMan Renz Barbarona
