Sunod-sunod nga pagpamusil sa Gensan, gipa-imbestigahan!

General Santos City— Gimando na ni GenSan City Mayor Roonel Rivera ngadto sa kapulisan nga imbestigahan ang sunod-sunod nga mga pagpamusil-patay dinhi sa dakbayan sulod lang sa tulo kaadlaw.

Sumala kang Mayor Rivera nga kinahanglan gyud nga tutukan sa kapulisan ang maong mga krimen nga sumala pa hinimuan sa riding in tandem.

Pamahayag sa mayor nga mas gipatutukan niini ang kaso sa magsuong Dadulo nga una ng gipamusil sa Aliwalas Spa nga nahimutang sa Pioneer Ave. ning dakbayan nga miresulta sa kamatayon ni Christine Dadulo ug pagka-angol sa igsuon niining si Dina Rose.


Dugang pamahayag ni Mayor Rivera nga hugot ang iyahang direktiba ngadto sa kapulisan pinaagi ni Police Senior Superintendent Romeo Ruel Berango, OIC City Director sa Gensan City Police Office nga sulbaron gyud ang maong matang sa krimen.

Gani, gibutyag niya nga human ang ilahang panagpulong sa kapulisan, gimando niya sa tanang mga Chief of Police nga sulbaron gyud ang mga krimen sa ilahang area of responsibility bisan ug 50porsyento.

Kahibaluan nga human ang pagamusil sa magsuong Dadulo sa Pioneer Ave. milabay’ng byernes sa gabii pasadoalas 8 gisundan kini sa pagpusil-patay kang Winne Franco Jr. sa may Brgy. Conel ning dakbayan, alas 11 pasado sa susamang adlaw.

Samtang patay usab ang usa ka Zaide Tumbaga sa may Brgy. Labangal ning dakbayan nga gipusil niadtong adlaw’ng Sabado ug angol ang usa ka Jovito Hallegado nga taga Brgy. Mabuhay ning syudad dihang gipusil sa wala mailhing suspetsado.

Facebook Comments