TACLOBAN CITY – Ginkaon hin sunog an 20 nga balay ha Brgy. 20 M.H Del Pilar St.-Burgos St. dinhi ha Tacloban City, alas 9:30 han gab-i dida han sabado.
Nahikalasan an mga residente ha nasabi nga barangay ilabi na nga gab-i nahinabo an sunog.
Ha inisyal nga imbistigasyon han Tacloban City Fire Station, nagtikang an sunog ha usa nga panimalay nga nagsindi hin lampara ngan naduktan an biray rason han tigda nga paglarab han kalayo.
Temporaryo nga naukoy yana an mga biktima han sunog ha evacuation center dinhi ha Tacloban.
Ha nakuha naman nga impormasyon han rmn ha BFP Tacloban, 1.8 million pesos an danyos han ngatanan nga ginkaon han sunog.
Gindeklara an fire-out alas 10:30 na han gab-i.
Facebook Comments
