SUNOG | Isa ka balay sa Lambunao, gintupok sang kalayo, masobra 5 ka milyon ka pesos natuga nga kahalitan

Natupok ang isa ka puluy-an matapos masunog alas 10:30 kaina sang aga sa barangay Maribong, Lambunao, Iloilo.

Ginpahayag ni FO1 Remo Porras sang Lambunao Bureau of Fire Protection nga wala sang tawo ang balay sang magluntad ang sunog.

Nahibaluan nga ang tag-iya sang balay nga sanday Mr. and Mrs. Patrick Garrison ang yadto sa Estados Unidos kag caretaker lamang ang naga-atipan sa balay.

Suno kay Porras nga base sa ila imbestigasyon, kuryente ang ginhalinan sang kalayo kon sa diin may mga appliances nga wala nakakas sa saksakan.

Ginabanta nga naglab-ot sa kapin 5 milyones pesos ang natuga nga kahalitan sang nasambit nga sunog.