Davao City – Gipasabot sa mga miresponde sa sunog nga miulbo sa Barangay 8-A Fr. Selga, Bankerohan, boundary sa Brgy 5-A ug 8-A ning syudad sa Davao karon lang alas 3 sa hapon nga importante ang kinabuhi kaysa sa mga kabtangan sa balay.
Sumala ni Kagawad James Abadilla sa nasangpit nga Brgy. sa pakighinabi sa DXDC RMN Davao nga ilang gitawag ang katawhan nga mulayo na sa lugar ug dili na balikan ang mga gamit sa balay aron likay sa disgrasya kun casualties.
Matud pa nagsugod ang sunog sa Pundok residence nga gituuhang charger ang hinungdan sa maong sunog apan ginasuta pa kini karon sa kabomberohan.
Dugang ni Kagawad Abadilla nga gibana-banaang mokabat sa 30 ka pamilya ug kapin gatos ka indibidwal ang apektado sa panghitabo ug ginasuta pa usab sa otoridad og tinuod ba nga dunay duha ka menor de edad nga napaso.
Sa karon, kontrolado na ang kalayo nga padayon pang ginapalaong sa kabomberohan.
RadyoMaN Renz Barbarona
